Á fimmtudaginn verður hinn árlegi hrútafundur haldinn á Melum í Hörgárdal kl. 13.
Á fundinn mætir Eyþór Einarsson ráðunautur hjá RML og kynnir þá kynbótahrúta sem á sæðingastöðvunum eru að þessu sinni. Einng fer Eyþór yfir helstu tíðindi og áherslur í ræktunarstarfinu.
Einnig kemur Þorsteinn Ólafsson dýralæknir á fundinn og fer yfir að hverju þarf helst að gæta við sauðfjársæðingar þannig að árangur náist.
Farið verður yfir skipulag sæðinganna nú í desember og veitt verðlaun fyrir þrjá stigahæstu lambhrúta í haust.